Proklamâsie van Preens Sander I

24 januari 2018

Vör de vieëring van vastelaovuntj 2018

  • Vae, Preens Sander I, beej de grâsie van Ziene Dorstlustige Hoeëgheid Vorst Robbert, de Raod van Ellef enne Brökwagters-vereîniging, hieërser oeëver Bosseve in dieëze vastelaovuntjtiêd;
  • Geboeëre in Braobentj, mer getoôge in Wieërt en de vastelaovuntj gelieërdj beej de Brökwagters op Bosseve;
  • Zoeën van Peter Bus en Hortense Lamerichs en samewoeënendj met Chantal Goijens, knapste vraw vanne preens di-j vae in jaore hebbe gezeen, en poes Tango, ’t lieëlik môrmel det d’r verplichtj beej mot blieëve;
  • Werkzaam as evenemênte-organisator beej eige bedriêfke Ambiance Events, en as parkmedewerker en beej aafdaelinge Events en Entertainment beej Toverland;
  •  ’t Mieëst geneêtendj van same met kammeräöj ’n pötje beer dreênke;
  • Gangmaker en optochtlouper beej VV de Vrijbuiters;
  • Eemes dae vastelaovuntj ’t sjiekste fieëst van ’t jaor vîngtj;

En daorum insteller vanne:

‘ORDE VAN DE VASTELAOVUNTJBUS’

Doôn uch te wieëte det:

  1. Vae op zaoterdig 6 jannewari zeên uutgeroôpe en op zoôndig 21 jannewari zeen geïnstallieërdj in ’t Brökwagterspeliês.
  2. Vae van plan zeen um ’t allersjiekste 5×11 Brökwagters-jubileum wi-j muuëgelik te vere.
  3. Det vae vreejwaal alle maondjige (behalve vastelaovuntjmaondjig) vreej hebbe en de rest vanne daâg vastelaovuntj vere.
  4. Vae geneête vanne energie van oeës Brökwagterskepèl, eederskieër as ze spuuële.
  5. Det de meziek ein vanne sjiekste dinge vanne vastelaovuntj és, en vae d’r same van geneête
  6. Vae geweldjig gruuëts zeen oppe schoeën Brökwagters-vereîniging en zieër erkîntelik vör alle enthousiaste reaksies.
  7. Det vae blieëve sprînge met ’t witte köpke, en alle wichter van Bosseve op actieve meneer betrekke um same ‘ne schoeëne vastelaovuntj te vere.
  8. Vae allein noeëdgedwónge pauze haoje en slaope, en wieter 24 oor per daag fieëst make.
  9. Vae uch allemaol gaer tieëgekaome met di-j daâg.
  10. Vae edereîn uutnuuëje alle gedoons van ’t dageliks laeve vör ’n paar daâg achterwieëge te laote en same van ’t laeve te geneête.
  11. Vae verschrikkelike dorst hebbe en dus gaw aafsloeëte.

En det alles ónger mien devies:

DIT ÉS OEËS KÂNS, 5 X 11 VÔL AMBIANCE!

  • V.V. de Brökwagters