Proklemâsie van Jeugdpreenses Kim I

24 januari 2018

Vör de vering van de wichtervastelaovendj heej op Bosseve.

  • Vae, Jeugdpreenses Kim I en adjudânte Kim Nijsen en Dena Thijs;
  • Beej de grâsie van Vorst Robbert, Kanseleer Robert, de jeugdraod van 11, de wichtervastelaovendj enne boôrekepél;
  • Preenselikke hoeëgheid vanne Bosseverweeg;
  • Maegdje van Gerard en Erna;
  • Jónger Züsterke van Yvette;
  • Baasje van hond Roxy
  • Veurop louper bej de schutterie
  • Dansj gér op vastelaovendj muziek en schüt gaer waat stöpkes aaf;
  • Fen van Ajax en Moerepetazie;
  • Leefhebber van piza en ieskes;
  • Hieërster vanne OBS De Uitkiektore;
  • Unne echte vastelaovendjgek;
  • Insteller vanne orde ‘van het witte Köpke.

Maaktj same mette jeugdraod en de groeëte raod e fieësje.
Same met de groeëte preens Sander I en zien gevolg maaktj ze d’r ‘ne onvergaetelikke en gewêldjige vastelaovendj van!

Det alle Brökwagterinnekes en Brökwagterkes en ouch alle groeëte Brökwagters en Brökwagterinne en alle ânger fieëstendje minse mótte wieëte det:

  1. Vae met deês daâg echt gek zeen en hope dej jae det ouch zeetj.
  2. Det edereîn ouch met os deês daâg mejfieësj, fieësj en nog es fieësj.
  3. Vae gaer alle wichter van Bosseve same met eur aojers op alle wichteraktiviteite wille zeen heej in ’t Brökwagterspeliês.
  4. Vae gaer edereîn lachendj en schoeën verklédj wille zeen.
  5. Vae zulle dânse, sprînge en zînge oppe bühne tot de lêste nao hoes gaon.
  6. Vae gaer hebbe dej jae allemaol achter os aan kótj as vae veurop gaon inne polonaise.
  7. Vae mét dees daag fieëste mét alle minse auch die gein wit köpke hebbe.
  8. Det Vae bej eder fieëst vör uch ‘t Brökwagterspeliês weer zulle opene.
  9. Vae gaer wille det edereîn nao de optocht keumptj kieke of zelf mej deut.
  10. Vae op asgoônsdig neet mieër kinne kalle en trök kinne kieke oppe schoeënste vastelaovendj oeëts.
  11. Vae herstikke gruuëts zeen um dit jaor veurop te moge gaon met deês vastelaovendj ónger os devies:

Met dees daag gein gepaaf mer drej kieër Bosseve alaaf Bosseve………Bosseve………Bosseve………

Oppe wichtervastelaovendj vanne Brökwagters ‘ne drejmaal Bosseve Alaaf!

Bosseve …….. Alaaf!
Bosseve …….. Alaaf!

  • V.V. de Brökwagters