Dankwoord Aod-JEUGDPREENSES GWEN I
Leef Brökwagterkes en Brökwagterinnekes en alle wichter van Bosseve!
Heej staon ich dan ruum 21 waeke nao het tillefoontje van Vorst Roy, bekans 6 waeke nao de uutroping… ‘t és vörbeej! Vor de léste kieër staon ich heej veûr uch as Jeugdpreenses Gwen I vanne Brökwagters.
Vae hebbe vör alle aojers vanne jeugdraod een tisjoeduuëske mejgenome. Gae moogtj tisjoes uutdeîle as dejjae wiltj.
Waat waas ‘t ‘ne geweldjige tiêd. Vanaaf ‘t momênt vanne vraog tot noow heb ich allein mer genote. ‘t És eine lange droûm gewaesj en vandaag gieët Vorst Roy mich in mien êrm kniêpe en bliektj ‘t echt gebeurdj te zeen.
Ich wil allerieërst pap en mam bedânke det ze mich gesteundj hebbe en d’r vör gezörgdj hebbe det ich deêze tiêd good bin doorgekome. Os mam heet zich de bein ónger eur kônt uutgerendj weej det os pap det neet mieër kos. En mien breurke Roan dae gruuëts op mich waas. En mét trots ziene polo en mien medalie heet gedrage.
Opa’s en oma’s di-j gehôlpe hebbe beej de hoêsbezeuke en woeë Roan of Blacky altiêd welkom wore um op te vânge.
Dan miene groeëte hêldj, “Friends forever” Jeroen I, zónger uch waas ‘t neet complieët. Vanaaf momênt eîn hebbe vae ‘ne klik. Ich wil uch ouch vraoge um strakkes nog eîne kieër eur jeske uut te doon um same nog ‘ne kieër de Toreador te dânse.
En neteurlik Peggy, Sacha, Silvia en Michiel bedânktj vör de gezellige momênte det vae same op stap wore.
De aojers van mien adjudânte, gae haatj ’t d’r mer drök mej mer waat hejjae good vör mich en mien adjes gezörgdj.
De groeëte raod en de kepèl; gezellig same recepties aaf, waat e fieëst! Mét uch dörbeej wore vae dudelik aanwezig. Dao kwoom waat binne!
De jeugdbegeleî-jing. Vanaaf ‘t momênt vanne vraog zitte vae al mét mekaar opgescheeptj. Serieus as ‘t noeëdig waas, mer veurâl lôl en plezeer make. Heejbeej noomdjae eur take altiêd serieus. Bedânktj daovör, ich gaon det misse!
Vorst Roy en Kanseleer Robert, bedânktj dejjae alles in gooj bane hetj gelédj. Gae moogtj gruuëts zeen op zoeë ‘n vereiniging! Brökwagters bedânktj!
Dan de aojers vanne jeugdraod. Waat e geweldjige club. Fein det vae eur wichter móchte lieëne vör de weekendje en dejjae zoeë good vör os pap hetj gezörgdj naodet hae ‘t trepke haaj gemisj. De moders zörgdje altiêd vör waat lekkers oppe taofel en de busritte woore hilarisch!
Maikel en Linda bedânktj vör de gastvrijheid, de geweldjige zaal en dejjae vör os pap vleegendj hert in hoês hetj gehaaldj.
Marco en Noël ouch bedânktj vör de gezellige aovendje.
En waat es e preenses zónger gevôlg. Kiek es heej achter mich! Zónger dees geweldjige raod van 11 waas ‘t neet zoeë ‘n sjiek fieëst gewore. Jasper, Jaylinn, Ivo, Finn, Floris, Fenna, Isa, Bas, Sam, Tim en Karlijn bedânktj!
En heej naeve mich staon ze! Mien beste vriendinne en geweldjige adjudânte Phil en Desny. Ozze vrîndschap és nog stêrker gewore. Waat és det schoeën um deêze geweldjige ervaring mét uch te kinne deîle.
Ich bin vast minse vergaete daorum edereîn dae aanwezig waas op de uutroping, de fieëste, recepties, optocht, wichterbontemiddig en vanaovendj, bedânktj!
‘t És zoeëwiêt… Ich kan ‘t neet mieër tege haoje bin ich bang, mer ich sloeët waal nog eine kieër aaf ónger mien devies:
Heej aan dees kânt vanne brök, HAAJE vae völ lôl plezeer en gelök!