VASTELAOVENDJVEREINIGING

BOSSEVE / WIEËRT

Anno 1963

VASTELAOVENDJVEREINIGING

BOSSEVE / WIEËRT

Anno 1963

Dankwoeërd Aod-Preens Jeroen I

icoon-brokwagters-rood

Leef Brökwagters en Brökwagterinnekes,

De Vastelaovendj 2020 zitj dur op, ich bin weer gewoeën Jeroen. Mer zal veur altied Aod-preens vanne Brökwagters zeen. Waat bin ich enorm grueëts, mer veural auch hieël erg verieërdj det ich dit schoeëne vastelaovendj fieëst heej op Bosseve samen met mien vraw Peggy en mien gevolg heb moge veur gaon. En waat hebben vae schoeën now herinneringe gemaaktj.

Wi-j ze mich op 1 oktober kwome vraoge woor ich komplieet verrasj, en jao dao heb ich in ut verleeje waal us over gedraumtj. En now kreeg ich dae kans, waat geweldjig. Dae ierste waek heb ich bijna gein oug dicht gedaon. Now hebbe vae dit mej gemaaktj mer de werkelikheid overtreftj elke draum, elke gedachte elke verwachting……… zoë GAAF!!!

Vae hebbe un gezin met un verhaol en det maaktj ongerdeil uut van wi-j det vae in ut laeve staon. Vae zeen os bewusj van het feit dejae motj geneete van ut mement, det heef ozze dochter Vive* os laote zeen. Zoë zeen vae auch deze vastelaovunj ingegange. Neet te völ veuruut kieke geneetj met de daag, met os gezin en met de minse um os heer.

Waat hebbe vae al ontzettendj völ lol gehadj tiedens de veurbereidinge zoeewaal met os gevolg mer auch met de preense begeleiding, de uutrooping waas geweldjig en as vorst Roy uch dan veur de ierste kieër aankondigdj as de nowe preens in un bomvol Brökwagterspelies…… det es un onbeschrieflik geveul!! Aod-preense zulle det kinne beame.

Waat vong ich ut geweldjig um te zeen det unne daag ierder Jeugdpreenses Gwen en heur adjudante Phill en Desny beej de jeugd uutgerope woore, drei vriendinne deej un speciaal plekske hebbe gekrege in mien hert. Un enthousiaste jeugdraod met un geweldijige groep betrokke aojers en super jeugdbegeleidings team maaktje ut veur os hieëlemaol kompliet!!

Vae hebbe haard motte lache um de flauwekul inne boonte aovundje, ut boore broedspaar en gevolg zeen geneete tiedens de boore broeleft, genote vanne sfeer en de atjes beej de biercantus, wederom ein super geslaagdj Herstebal met nowe energie belaeftj en de dames hebbe genote van weer ein top Damessitzung. Unne dikke merci aan alle minse die in dees activiteite zoee völ plezeer en energie legge.

Vae hebbe genote vanne scheile zeiver en schoeën gesprekke met de raod van elluf, de vröllie en de Brökwagterskepel as vae dur met de bus weer op uut trokke.

Wi-j grueëts heb ich mich geveultj as vae weer met ein groeëte club Brökwagters nao bove waerdje gespeultj dooër de geweldjige klanke vanne kepel, weej grueëts heb ich mich geveultj um dees geweldjige vereiniging te moge vertegenwoordige oppe buhn. Weej grueëts heb ich mich geveultj as ich de snoetjes van Kane en Raf zoog die mej genote van preens papa.

Waat hebbe vae völ leeve, hertverwerremdje reacties en fillicetaties gehadj op os preenseschap en zoee völ oprechte komplemente op wi-j vae os hebbe geprissentieerd. Ich kan uch vertelle, det deut wat met os, det zitj hieël deep en det zulle vae noeets vergaete.

Danke Linda en Maikel, danke Noël en Marco, veur eur gastvreejheid, eur gezelligheid, de fieësjes en de afterparty’s.

Vae wille alle minse bedanke die ozze ludieke actie “oppe roze sök nao hoes” veur ut Ronald McDonald hoes hebbe gesteuntj, vae hebbe ut geweldjige bedraag van € 2525,60 opgehaaldj, hertverwermendj!!!

Tot slot gieët miene speciale dank uut nao;

Vorst Roy, Kanseleer Robert, preensebegeleider Jasper veur ut vertrouwe.

Mam, pap, schoeënmam en schoeënpap veur de hulp en opvang van os manne.

Mien leefste Peggy, en mien gevolg adjudant Michiel met Marion, adjudant Sacha met Fredy en adjudant Silvia met Jasper, waat un geweldjig clupke woe ich dees schoeëne ervaringe mej heb moge deile. Zonger dees minse haaj ich gein Preens Jeroen I kinne zeen, vae hebbe ut same gedaon.

Vastelaovundj vanuut ut hert geveerdj met un lach en un traon, kej-sjiek det vae op Bosseve vuuër mochte gaon.

Drei-j maol Bosseve………Alaaf

Aod-preens Jeroen I

v.v. de Brökwagters

icoon-brokwagters-rood