Goojenaovendj Brökwagters en Brökwagterinne!
Dit waas ‘t dan alweer, ozze vastelaovendj zitj er vör dit seizoen weer op. Mer weem haaj ângerhalve maondj geleje gedachtj det vae dit noow zooje mejmake? Waat e fieëst! Waat bin ich gruuëts det ich de aafgeloupe waeke uch veûr heb moge gaon!
Dan wil ich edereîn bedânke:
Neteurlik os mam en Jim hieël erg bedânktj vör alles det ze beteikendj hebbe um dit fieëst meugelik te make; veural de fieëstjes in mien eige Preense Peliês.
Mien pap dânke dejje achter mich stóngtj.
Kim bedânktj desse zoeë mét mich mejgelaefdj hebs en gruuëts woors um zös vanne Preens te zeen.
Nick, miene groeëte vreendj, dânke dejje de vastelaovendjeikes aan os sponsertj. Vae huuëre waal waat ‘t op gebrachtj heef.
Mien Adjes, zónger uch haaj ich hang tekort.
De Jeugdraod, waat waas ‘t geweldjig det jullie zoeë achter mich hebbe gestânge.
Aojers van mien Adjes bedânktj; waat stónge jullie d’r vör os, niks waas uch te völ. Dânke daovör.
Aojers vanne Jeugdraod bedânktj; waat hebbe jullie d’r e mega fieëst van gemaaktj.
Jeugdbegeleiding waat e wêrk hebbe jullie d’r mej gehadj. Mer ‘t resultaat det stóng, as e hoês: dânke dânke dânke.
Kepèl ‘ne dikke merci vör al di-j sjieke klânke.
Vorst Roy, waat hebbe vae ‘ne speciale bând opgebawtj dit jaor. Ich heb vol trots nao uch staon te kieke en te loestere, weej schoeën weurtj dejje eder kieër weer zagtj, dânke.
Kanselier Arno, vör uch ‘t ieërste jaor, mer gae hetj ‘t good gedaon, det belooftj wat vör de toekomst.
Dan de hieël vereiniging van de Brökwagters bedânktj vör eure inzet in dit speciale jaor um d’r toch ein groeët fieëst van te make, dânke, miene groeëte droûm es echt uutgekome.
Neet te vergaete Maikel en Linda, bedânktj vör al eur gooj zörg. Waat móste vae zónger Brökwagterspeliês?
En Marco en Noël bedânktj vör de leuke aovendje.
En dan hebbe de meiste van os nog ein vraogteiken, weem zooj d’r toch naeve mich hebbe gestânge? Dao wachte vae nog e jeurke op. Net as det confettiekanon van uch det laote vae volgendj jaor nog same aaf, mer ich wîns uch noow al hieël völ succes en mundje dicht he.
Dan det lienke nao bove, zoeëas Vorst Roy det zeet. Oma Tina en opa Harry dânke vör al det schoeëns waat dejje os gegaeve hetj.
Vast bin ich nog emes vergaete, waat zeker neet de bedoeling es. Daorum dânke vör alles en edereîn dae waat beteikentj heet tiedes mien Preenseschap.
Zoeë, genóg gesnottertj en gebäöktj. Noow keumtj d’r nog iets hieël speciaals, namelijk gein abdicatie zoeëdet vae nog langer kinne geneête en alles ónger mien devies:
Mét dees daag gaon ich neet balle mer knalle, neet crosse mer flînk hosse!
En dan Phil dânke vör det sjiek nummer waat d’r al lekker in zitj. DJ, zétj ‘m d’r mer in, det vae nog e fleenk fieëstje gaon make!