Proklamasie van Preens Jeroen I

icoon-brokwagters-rood

Vör de viering van vastelaovendj 2020

  • Vae, Preens Jeroen I, Beej de Grâsie van Ziene Dorstlustige Hoeëgheid Vorst Roy, Kanseleer Robert, de Raod van Elluf enne Brökwagters- vereîniging, hieërser oeëver Bosseve, Husseve, Centrum Noord en neteurlik Laorveldj in dieës vastelaovendjtiêd;
  • Aodste zoeën van Math Curvers en Ineke Hoogeveen vanne Tobbersdiêk;
  • Geboeëre in ut zeêkenhoês van Wieërt en opgegrujt in ut Moerelandj beej de Moerebuuk in Ill;
  • Getrouwdj met Peggy van Kimmenade un echt Wieërter maegdje waat es opgegrujt tusse de schäöp op Groenewoud.
  • Gruuëtse vader van straolendje ster Vive, slummerik Kane en lolbôks Raf;
  • Wêrkzaam als projectleider beej Treetops in Valkenswieërt;
  • Regeêrendj tenniskampioen met tennismaatjes Adje Sacha en Penningenmeister Fredy;
  • Recordhoi-jer van de langste preensewage inne optocht vanne stad met v.v. De klitskletskes;
  • Ieërste groeëte Brökwagters Preens van Laorveldj;
  • Op zoondigemërge met de dikke bendj doeër de bosseverbush met kej aanne hek en dao nao un pilske happe beej ut BKT
  • Zoeëmerdaag in roze wielerpekske koptrekker beej team Vive mêt de Homeride
  • Van dochterleef gelieërd dae-jae motj geneete van de klein dinger en sindsdien de kleur roze centraal stieët

En daorum insteller vanne:

“Orde vanne roze draod!”

Doon uch te weite det:

  1. Vae op 18 Jannewarie 2020 as roespel ut Brökwagterspelieës zeen binnen gekroêpe en ontpoptj zeen as preensegezeldschap;
  2. Vae as adjudanten ut Wieërtlands book van veur tot achter hebbe doeër gelaeze en det vae now dialect kinne kalle;
  3. Vae kippevel kriege van de schoeën klanke van ozze Brökwagterskepel
  4. Vae met jeugdpreenses Gwen I, heur adjes en de jeugdraod al völ lol hebbe gemaaktj en
  5. dao zeker tot en met de abdicatie mei-j doeër gaon;
  6. Vae bli-j zeen det ze heej op Bosseve gein sloeetingstied kinne;
  7. Vae uut volle borst mei-j zînge….”Señorita…dit is het momento”;
  8. Vae Sacha, Silvia, Peggy en Marion shotjes hebbe lieëre drînke zônger hang;
  9. Vae dur van uut gaon det vae uch oeëverâl gaon zeen met deej daag en dejjae allemaol mej dootj aanne optocht;
  10. Vae dur vanuut gaon det hieel Bosseve en umstreke roze kleurtj;
  11. Vae kej gruuëts zeen um veûrop te moge gaon beej dees geweldjige vereiniging;
  12. Vae al daag oppe roze sök nao hoes gaon;

En det alles ônger mien devies:
“Vastelaovendj vanuut ut hert geveerdj, met un lach en ‘ne traon, kej-sjiek det vae op Bosseve vuuër moge gaon!”

icoon-brokwagters-rood