Proklemâsie van Jeugdpreeses Gwen I

icoon-brokwagters-rood

Vör de vering van de wichtervastelaovendj 2020 heej op Bosseve.

  • Vea, Jeugdpreenses Gwen I en Adjudânte Phil van de Kruijs en Desny van Swam
  • Beej de grâsie van Vorst Roy, Kanseleer Robert, de Jeugdraod van Elf, de wichtervastelaovendj enne Boôrekepèl
  • Preenselikke hoeëgheid vanne Suffolkweeg
  • Möpke van Chico en Renate
  • Groeëte zös van heur leef breurke Roan
  • De meister van heur hundje Blacky
  • Springtj en houwtj d’r gaer op los beej de volleybalclub
  • Gieët inne wîntjer oppe latte weej ‘ne speer vanne berg aaf
  • Deut gek en völ dênskes op TikTok
  • Hieërster vanne Odaschool
  • Kijje ’s nachts wakker make vör ‘ne pannekook
  • Insteller vanne Orde vanne Springendje Latte

Vae gaon same mette Jeugdroad enne groeëte Raod d’r e groeët fieëst van make.

Same met de groeëte Preens Jeroen I en zien gevolg wurtj dit ‘ne geweldjige vastelaovendj!!!

Det alle Brökwagterkes  en Brökwagterinnekes mer ouch de groeëte Brökwagters en Brökwagterinne en alle ânger fieëstendje minse mótte weête det:

  1. Vae met dees daag os verkleî-je en gek doon enne tênt heej oppe kop zette;
  2. Vae gein verschil make: groeët, klein, dik of dun, vae fieëste met edereîn;
  3. Vae met dees daag hieërser zeen van dit Brökwagterspeliês;
  4. Vae neet aan school dînke, alle beuk towdoon en in os köpke allein mer mette vastelaovendj bezig zeen;
  5. Vae beej eder fieëst dit Brökwagterspeliês zulle opene;
  6. Vae zulle dânse, sprînge, hosse en tampieëste tot de léste nao hoês gieët;
  7. Det vae alle wichter en aojers schoeën verklédj moge zeen met alle wichteractiviteite heej in ‘t Brökwagterspeliês;
  8. Vae gaer veurop loupe inne polonaise en dejje ammaol mejdootj;
  9. Vae edereîn gaer zeen op vastelaovendjdeênsdig inne optocht of naeve de kânt;
  10. Vae Asgoonsdig gein stum mieër over hebbe van ’t fieëste;
  11. Vae herstikke gruuëts zeen um dit jaor same met Gwen I veurop te moge gaon tiedes de vastelaovendj ónger os devies:

Heej aan dees kânt vanne brök, hebbe vae völ lôl, plezeer en gelök!!!!

Oppe wichtervastelaovendj vanne Brökwageters ‘ne drejmaol Bosseve Alaaf!

Bosseve……Alaaf!
Bosseve……Alaaf!
Bosseve…...Alaaf!

icoon-brokwagters-rood