Proklemâsie van Jeugdpreens Sem I

11 februari 2019

Vör de vering van de wichtervastelaovendj 2019 heej op Bosseve.

  • Vae, Jeugdpreens Sem I en zien adjudânte Guus Mackus, Luuk Peijs en Rens Wiermans;
  • Beej de grâsie van Vorst Roy vanne Brökwagters, Kanseleer Robert, de Jeugdraod van Elf, de wichtervastelaovendj enne boôrekepèl;
  • Insteller orde vanne “Bli-jje Duikbrîl”;
  • Ridder vanne Leliestraot;
  • Jóngste en leefste broor van Sanne en Kay;
  • Bewaker en kaker vanne Odaschool;
  • Óngerwater-aomer beej Duikteam Ni-jwieert;
  • Drumstekke hawwer oppe meziekschool;
  • Groeët fen van PSV;
  • Léste mân en grueëtse uutsmiêter vanne D4 beej FC Oda;

Vae weîte zeêker det ve same mette Jeugdraod en de groeëte Raod e fieësje make en same met de groeëte Preens Dirk I en zien gevolg make vae d’r ‘ne onvergaetelikke en gewêldjige vastelaovendj van!

Det alle Brökwagterinnekes en Brökwagterkes mer ouch de groeëte Brökwagterinne en Brökwagters en alle ânger fieëstendje minse mótte weîte det:

  1. Vae gaer alle wichter van Bosseve same met eur aojers op alle wichteractiviteite wille zeen heej in ’t Brökwagterspeliês;
  2. Vae met dees daag gaon tampieëste en gaer wille dej-jae det ouch dootj;
  3. Vae same met edereîn met dees daag met völ lôl en plezeer de tênt heej oppe kop zette;
  4. Vae gaer edereîn allein mer lachendj en schoeën verklédj wille zeen;
  5. Vae pas nao hoês gaon as vae kej kepot zeen, de lâmpe aangaon en alle snuik op es;
  6. Vae gaer hebbe dej-jae hej op mejdootj inne polonaise;
  7. Vae mét dees daag ouch de groeëte minse towstumming gaeve en oprope good te fieëste en tampieëste achter de jeugd aan;
  8. ‘t Brökwagterspeliês tiêdelik os hoês es, woeë vae pas laat sloête en as ieërste de sleutel weer oppe deur staeke;
  9. Vae gaer wille det edereîn nao de optocht keumtj kieke of zelf mejdeut;
  10. Vae op Asgoonsdig neet mieër kinne kalle en trök kinne kieke oppe schoeënste vastelaovendj oeëts;
  11. Vae herstikke gruuëts zeen um dit jaor veûrop te moge gaon met deêze vastelaovendj ónger mien devies:

Mét dees kwakbóks tampieëste,
wurtj ozze vastelaovendj allein mer fieëste!

Oppe wichtervastelaovendj vanne Brökwagters ‘ne drejmaal Bosseve Alaaf!

Bosseve …….. Alaaf!
Bosseve …….. Alaaf!
Bosseve …….. Alaaf!

  • V.V. de Brökwagters